ஆண்டுக்கு 6 கேஸ் சிலிண்டர்கள் இலவசமாக வழங்கப்படும் என தமிழக முதல்வர் எடப்பாடி பழனிச்சாமி அறிவித்தார்.
சென்னை ராயப்பேட்டையில் உள்ள தலைமை அலுவலகத்தில் முதல்வர், துணை முதல்வர் செய்தியாளர்களை சந்தித்தனர்.
அப்போது, அதிமுக எத்தனைத் தொகுதிகளில் போட்டியிடும் என்பது குறித்து கூட்டணிப் பேச்சுவார்த்தை முடிந்த பின்னர் அறிவிக்கப்படும்.
அமமுகவிலிருந்து தொண்டர்கள் நிர்வாகிகள் மீண்டும் அதிமுகவுக்கு வரலாம் என முதல்வர் தெரிவித்தார்.
கடந்த 4 ஆண்டுகளுக்கு மேலாக நிறைய திட்டங்களை அதிமுக அரசு தந்துள்ளது. மக்கள் மனம் மகிழும் வகையில், அதிமுகவின் தேர்தல் அறிக்கை இருக்கும்.
குடும்பத்திற்கு மாதம் தோறும் ரூ.1,500 வழங்கப்படும் எனவும் குடும்பம் ஒன்றுக்கு ஆண்டுக்கு 6 கேஸ் சிலிண்டர்கள் இலவசமாக வழங்கப்படும் என மகளிர் தினத்தை ஒட்டி அதிமுக தேர்தல் வாக்குறுதியாக தமிழக முதல்வர் எடப்பாடி பழனிச்சாமி அறிவித்தார்.
மேலும், அதிமுகவின் திட்டம் கசிந்ததால் அதனை தெரிந்து கொண்டு நேற்று ஸ்டாலின் இதனை அறிவித்து விட்டார் என முதல்வர் கூறினார்.
நேற்று ஸ்டாலின் குடும்ப தலைவிகளுக்கு மாதம் தோறும் ஆயிரம் ரூபாய் என அறிவித்தார் என்பது குறிப்பிடத்தக்கது.
