தமிழகத்தில் கொரோனா பாதிப்பு எண்ணிக்கை!

தமிழகத்தில் 24 ஆயிரத்தை கடந்த கொரோனா பாதிப்பு எண்ணிக்கை!

தமிழகத்தில் கொரோனாவால் பாதிக்கப்பட்டோர் எண்ணிக்கை 24,586  ஆக அதிகரித்துள்ளது. 

தமிழகத்தில் இன்று ஒரே நாளில் 1,036 பேருக்கு கொரோனா தொற்று கண்டறியப்பட்டுள்ளது. இதில் வெளிமாநிலங்கள் மற்றும் வெளிநாடுகளில் இருந்து வந்தவர்கள் ( டெல்லி 2, மகாராஷ்டிரா 40, கர்நாடகா 8, ஆந்திரா 3, கேரளா 2) 55 பேரும் அடக்கம். இதனால் தமிழகத்தில் மொத்த பாதிப்பு எண்ணிக்கை 24,586 ஆக உயர்ந்துள்ளது. 

பலி எண்ணிக்கை: 

தமிழகத்தில் 02.06.2020  13 பேர் உயிரிழந்தனர். இதனால் மொத்த பலி எண்ணிக்கை 197 ஆக உயர்ந்துள்ளது. இன்று உயிரிழந்தவர்களில் 12 பேர் சென்னையை சேர்ந்தவர்கள் ஒருவர் செங்கல்பட்டு மாவட்டத்தை சேர்ந்தவர் ஆகும். 

12,000 - தொட்ட டிஸ்சார்ஜ் எண்ணிக்கை : 

தமிழகத்தில் இன்று கொரோனாவால் பாதிக்கப்பட்ட 536 பேர் குணமடைந்து வீடு திரும்பினர். இதனால் இதுவரை தமிழகத்தில் குணமடைந்தோரின் எண்ணிக்கை 13,706 ஆக அதிகரித்தது. தற்போது 10,680 பேர் சிகிச்சை பெற்று வருகின்றனர்.